الســــــــلام عليـــــــــــكم ورحـــــــــمة الله وبركــــــاته



شحالكم بنات ان شاء الله بخير

ان يابنيات ابعلمكم سويلفة جدتي مع سنوات الضياع
والله انها ضيعتها هههههههههههههههههه


هاذا ياطويلين العمر

امس الصبح قلت لاميمتي وش رايتس نروح لجديدتي ناخذ غدانا ونروح نتغدى عندها ونوسع صدرها ماعندها احد وحنا مابعد شدينا وشلنا قشنا عندها

قالت يالله قـــــــدااااام

ويوم جت الساعه 2 الظهر وحنا نروح ونمر جيان
ونقش لنا مقاضي وخرابيط لزوم السهره<<<<<بتغدونهم ولا بتسهرون عندهم
كل الثنتين

ورحنا لجدتي عالساعه3وصلناها بعد الفرفره والدوجه بهالشوارع

ويوم دخلنا على جدتي لينها متحظنه التلفزيون<<<<يعني لاصقتن فيه


وش عندتس ياجده وش تحترين
احد من خوالي بيطلع بالتلفزيون ولا بسؤال اليوم حق الاخباريه وتحترينه<<<<تفكييررررر وحده توها معطله وراسها مليان برابيييير وقرقره

قالت لا بس استنا الاخبار<<<<<ياتسذبتس تسذباه ياجده

ماتحب تناظر الاخبار بس تحب تسمعها برادوها اللي من وانا في بطن امي اسمع جدتي دايم تشغله
هذاك الراديو البني ابو سلك من فوق ابو تعليقه خخخخخخ فهمتو شي
اللي عنها جده بتفهم

قالت لا انا تطورت وصرت انا ظرها بالتلفزيون

قلت طيب مهيب مشكله

ونحط الغداء ونتغدى ويوم غسلنا وقضينا

وازين لهم ذاك الشاهي اللي يصقع بالراس ويعدله يعني على كيف كيفهم<<<<اوووخس يالسنعه

وانا اروح والقى امي متمدده هي وجدتي عند التلفزيون
وجدتي حاطتن كراعينها فوق مكتبة التلفزيون من الحمااس<<<<ياتسذابه هاذي امتس اللي مرفعتن كراعينها

وولد خالتي بالثانوي قاعدن معنا وطايرتن بوهته قلت عمى وش فيكم وش فيه بالتلفزيون

قال ولد خالتي ((هاذا مو ولد ام قذيله للي يذكرونها
لا هاذا ولد خالتي الثانيه واسمه بدر وبدلعه بدوور<<كيفي ولد خالتي وبدلعه ))

قال يناظرون سنوات الضياع

قلت ابي اعرف وش هالشي اللي بهالمسلسل مخلي الناس يناظرونها بهالشكل
قالت امي
والله ماذبحهم الا الفراغ العاطفي
مغير خمخمه وحبحبه جعلهم الماحي
قلت وش تبين بها اجل
يوم سكتت ماردت
قالي بدووور
<<<<<<<اوخس يالعاقلهوقالي اجلسي ناظريها وصدقيني بتعجبتس

قلت طيب

واجلس معهم وانا ظرها والله عجزت اهظم هالمسلسل <<اكله هو

ماااش ماعجبني
والتفت على جدتي لين دميعاتها تصبصب

قلت وسعي صدرتس ياجده الدنيا فانيه<<فاهمه غلط

وامي اردى من جدتي يوم خلص المسلسل ويضيق صدرها عليهم <<بدري

والمشكله اللي قهرني ان فيه مقاطع مالها داعي يعني وصخه حبها وخمها ومن هالخرابيط
ومخلينها ويتفرجوون عليها هم بكيفهم يناظرون لين يشبعون ماقلنا شي كبار وفاهمين
بس ولد خالتي هاللي بالثانوي والله ياهو فاتحن افمه عالاخير مبسووووط

وانا انغز امي واغمز لها والله ومايمي احد ماعليها

قلت يمه بينحرف الولد والسبه انتي <<<<قويه بينحرف
وتخيلو يابنات

جدتي تناظر الاعاده
مرتين

تقوم عشانها

وماعندها حتسوه هي وجاراتها والعجيزات اللي مثلها الا بسنوات الضياع
اشوا انها ماطاحت بنور ولا عاد وش يفكنا

ووووبس انتهى موضوعي
انا اللي ذكرني بهالسالفه مزنه بنت مايكل اليوم شفت الصوره في موضوعها ذكرت بيت جدتي كيف اذا بدت سنوات الضياع
ملتووووووووووووووش

هههههههههههههههههههههههه
ذوق
ياكل الذوووق
فديت قـلبكـ ياغلاهم
يالبى قلبكـ يالغلا

تقبلي تحيااااتي

ههههههههههههههههه يعطيك الف عافية

شكراً والله يعطيك الف عافيه
والله انها جدتك اتضحك بس كل العاجزين يحضروه
لانو بجننن

هههههههههههههههههههههههههههههههه

والله جدتكـ خطييييييرة........