بعـــــــض البشـــــــر



ابـدا بذكـر الله وهـو خـيـر مـبـداه
خالـق جميـع النـاس وعالـم مصيـره
وبنـات فـكـري بالمعـانـي منـقـاه/
وبنـات فكـري بالجـزالـه جـديـره/
وفي خافقي بحـرن غرفنـا مـن ادنـاه/
بحـرن تجـاذب بالمعانـي العـزيـره/
وبدعـت لـي ابيـات نقحـة معـنـاه/
لوصـف الرجـال الهينـه والعسـيـره/
بعض البشرماهـي علـي العـز هقـواه/
نظـرة حولـه معـمـي الله بصـيـره/
وبعـض البشـر تلمـح بقبلـة محيـاه/
أعلـوم تفـرح خاطـرك والسـريـره/
وبعـض البشـر ودك تسوقـه لمثـواه/
مامـن مـسـد الله يغـربـل مـريـره/
وبعض البشر مجلـس ومدهـال تلقـاه/
عامـر محـلـه بالوجـيـه السفـيـره/
وبعض البشرماوجب الضيف لـو جـاه/
وربطـات مالـه محكـم ادبـال سيـره/
وبعض البشر من صيته النـاس تنصـاه/
ضيف يتغـدا والعشـا لضيـف غيـره/
وبعض البشر ان حـل ذكـره وطريـاه/
مكـروه وكنـه نافـخ لـنـار كـيـره/
وبعض البشر سعد الخوي ان صاح ينخاه/
فزعـه وسيفـه حرمـه عـن جفيـره/
وبعض البشر كنـه كمـا الـذر ممشـاه/
والمصلحـه هـي الحـلا لـه بسيـره/
وبعض البشر جمـه ولاتاصـل اقصـاه/
ويمنـاه جمـه يسقـي الـكـل بـيـره/
وبعض البشر يتبع هوا النفس وارضـاه/
ونفسـه ورا اللـذات ساقـت حمـيـره/
وبعض البشر قله عـن الطيـب ينهـاه/
وعـن مدتـه خلـلا يدينـه قصـيـره/
وبعض البشر نفسه فقيـره ولا اغنـاه/
ونفسـه بفقـره زايـده بـزود خيـره/
وبعض البشر مضرب مثل فـي حميـاه/
راعـي حميـا وفزعـتـه للعشـيـره/
وبعـض البشـر رجولـة فـي مسمـاه/
وليت الله حطـه بنـت واسمـه منيـره/
وبعض البشر حظه كبيـرن ولـه جـاه/
وعنـد المواقـف والمصايـب خبيـره/
وبعـض البشـر حظـه تعـلا وعـلاه/
وان عـودة لـه مييـت والله ضميـره/
وبعـض البشـر ودك يعجـل ابفرقـاه/
وفي خوتـه تمسـي الروابـع كسيـره/
وبعض البشرمن هرجـه الجـرح داواه/
ثاقـب نظـر ماخـاب مـن يستشيـره/
وبعض البشرفـي شوفتةانقـول عـزاه/
كنك تشـوف الـداب وتوحـي صفيـره/
وبعض البشر قلبه عن الحسـد صفـاه/
فيـه الصـفـاوه والنـقـاوه وفـيـره/
وبعض البشر عقرب ثـرا فـي نوايـاه/
وعلي شبيهـه اشكالـه يحـوم طيـره/
وبعـض البشـر العلـم جـابـه ووداه/
وعلمـن درابـه وصلـه كـل ديــره/
وبعض البشر رجله عن العيـب عـداه/
ونفسـه عـن اللـذات رابـط خفيـره/
وبعض البشر ياصبرها القـاع صبـراه/
مـن زود كبـره ناسيـن مـن كبيـره/
وبعض البشر قاطع قطـع عـود ربـاه/
وعليـه لابــد الـرحـى مستـديـره/
وهذا القليـل اللـي اختصـرة وذكرنـاه/
والنـاس واجـد والطبـايـع كثـيـره/
ولو قلـت ماقلـت البشـر ماحصينـاه/
واللي خلق هالكـون محصـي البريـره/
وصلـو علـي مرسـول دينـن تبعنـاه/
نبينـا المرسـول بـأرض الجـزيـره/
ويـاالله ترزقنـا شفاعتـه وارضــاه/
ويشفـع لنـا بحسابنـا عـن سعيـره/

ولكــــــــ التقدير والإحترام ..

يسلموووووووووا الانااااااااااامل ياقلبوووووو
تحياتي:: بنوووووووووووته

يعطيك العافية ويسلموووووووووووووووووو على الابيات ياعسل

يسلمووووا مره حلووووووووه
لاخلا ولا عدم ياعسل
لك ودي واحترامي
المزيوووووونه