--------------------------------------------------------------------------------


من يغرس الشوك

من يغرس الشوك ما يجني ورود
ومن يطفي الشوق ما يلقى دفا
لا تظن الجفا مني صدود
لا وربي لا صدود ولا جفا
زاد حبك زاد عن كل الحدود
وإنت أدرى بالخفوق وما خفى
من غلاك نسيت نفسي بهاالوجود
ياوجود غيره أبدا ماصفى
لا تقابلني حبيبي بهالبرود
تو حبك مشتعلني مانطفى
يوم أنا ضحيت ما أقصد جحود
للأسف كان السبب زود الوفى
جيتني بالغدر وأنا جيتك عهود
صادق الإحساس وشلون إختفى
كيف ما قدرت وضعي والقيود
إنشغلت بدنيتك عني أفى

--------------------------------------------------------------------------------


خير إنشاء الله

خير إنشاء الله
وش اللي زعلك مني
وش اللي غيرك عني
ترى ما جابني إلا أنت
وشوقي ياأقرب الخلان
أنا والله أبد ما خنت
ولا فكرت بالنسيان
إذا تقوى أنا ماأقوى
ترى الدنيا ولا تسوى
أحس بأهتك نبره
وحزن وشي ما أعرفه
وأشوف بنظرتك عبره
ضوت بالحيل مختلفة
عسى ماجيت في وقت لغيري
عسى ماجيت بالصدفه
حنيني غصب يدفعني
وياخذني الوله يمك
تراك انت الوحيد اللي بقالي
وهمي وليتني همك 00


--------------------------------------------------------------------------------


ولا تزعل

ولا تزعل ولا تتعب شعورك
ولا تاخذ على خاطرك مني
أبتأسف إلين أرضي غرورك
وأقول إني مقصر غصب عني
أنا معذور لو غبت بحضورك
وحسن الحسن عن حسنك شغلني
لأنك بالحلى لوشفت نورك
بعيني ساعة القرب تعذرني
وش أحلى من العدالة غير جورك
تجنن عاشق منك التجني
لو إن الشور في كل شي شورك
طلبتك بس في ذا الشي طعني




أحلى غرام
--------------------------------------------------------------------------------


منت رايق فيك شي ومتضايق
منت في طبعك ولا هذا مزاجك
التفت لي شوي محتاج لدقايق
أنا ما صدقت أشوفك ونتواجه
ودي أطفي بشوفتك نار الحرايق
ودي أنسى بك ردى الحظ وعجاجة
عش معي في فرحتي وإنسى الخلايق
واسمع لرعشة خفوقي واحتجاجة
علم ما بينك وبين الما عوايق
من رحيق أزهار روضي وابتهاجة
ليه تخفي يابعد روحي الحقايق
يسألك قلبي دخيلك بس ناجه
وليه عني شارد النظرة توايق
منت في حال الظلام ولا سراجة
آه ياحلوك عليك الحزن لايق
ياعسى ربي يعجل بانفراجه
جات تسائلني علامك منت رايق
قلت رايق بس أبكتب فيك حاجة

--------------------------------------------------------------------------------


متى عرفتيني
عرفتيني حتى تحبيني
لوقلت لك بدري ما أظن أنا غلطان
متى لمحتي الشوق والصدق في عيني
وبيني وبينك درب غربة وبيبان
وش تحسبين الحب يلي تحاكيني
الحب ماهو سالفه بين خلان
الحب صدق إحساس وسط الشرايني
الحب ياصوت اللفا نبض ولهان
اليوم لا قلت معك باكر بتنسيني
هذي الحقيقة وإسألي كل إنسان
إنت خدعت إحساسك لا ما خدعتيني
والمختبي مع مر الأيام بيبان
لا تسأليني وش صار وش فيني
لا تلعبين بخافق بات حيران
كأنك تبين القرب شبي ودفيني

منقوله من دواويين الشاعر لامير نواف بن فيصل

●
●

خلدوون الرومانسي


●
●

يعطيك الف عوآفي ياقلبي.."
ع القصآآآئد الروووعه.."
ومشكوور ع جهوودك الطيبه
وباانتظآآآر جديدك.."
^_^
●
●

بنووووووووته

الله يعطيك العافيه
لاخلا ولاعدم

الله يعطيك العافيه مبدع دائما

مشكووور
ذوقك عسال حالي
والله يعطيك الف عافيه متميز