جرح العين

من حياتي يا حبيبي خذّ وخلّ / ولا تروح إلا بحمل ٍ مستطاع

وأنسكب مع باقي عروقي وسلّ / وأشبع أطراف العروق إلي جياع

وفي شرايني تمش وضع ودلّ / وأخذ من قلبي ومن عيني متاع

ياحبيبي بأستمع لك وأنت قلّ / عن شعورك فالتلاقي و الوداع

وليت دمعك قبل يجرحك ويهلّ / عبد بين يديك تأمره وتطاع

وكل عاشق يشكي الحاله لـ كلّ / عاشق ٍ عمره يعيشه بأنصياع

مايفرّق بين ضلع وبين تلّ / عنده إن الضلع مثل التلّ قاع

وكل ما أمسى قال يمكن أو لعلّ / لين قلبه داخل الأضلاع ماع

بس شف ليّ ياحبيبي معك حلّ / والمحبّه صونها قبل الضياع

أتخذني أخ ! عم ّ ! خال ! خلّ / الوكاد إني وزانك كل ساع

وحسد حقد وبغض بعض وزود غلّ / مالنا فيها يديين ولا ذراع

بس همس ولمس خمس وريح فلّ / فوق مركب عشق ونفلّ الشراع

ما نكل و ما نمّل وما نزّلّ / ساعة ٍ بـ أموال الأمــّه ما تباع

كيف أضيق إمن الحياه وكيف أمّل / والصدور إوساع وعيونك وساع

قِل صِحِ إن صابني بك صَحَ قَلّ / عيش فالدنيا وفارقها شجاع

بس تدري يا خفوقي صم و صلّ / وعن ملذات الهوى ألبس قناع


منقــوولــه ..