السلام عليكم ورحمة الله وبركاته
اكتب لكم عن جريمه صارت قبل عدة ايام والغريب في الحادث ان المجرمين طلعو منها !!
قبل عدة ايام كلنا قراءنا وسمعنى عن الحادث الي صار في مدينة تبوك والي كان ضحيته شاب وبنت بسبب مطاردة الهيئه لهم
انا ماني جاي انتقد الهيئه او اكون ضدها با العكس اعرف فضلهم وجهودهم في محاربة الجريمه ورد النكر والمحافظه على الدين والقيم بس انك تكتشف ان فيهم قتله ومجرمين يحاولون الرفع من مستواهم الوضيفي والوصول لاهداف شخصيه على حساب الناس هذا الي ماراح نسكت عنه
صار بعضهم يتهم ذا بالزنا وذا با الخلوه الغير شرعيه والثالث با الا عتداء على المحارم وكثير كثير مع العلم ان الكثير منهم لو تسائله عن الشهاده الي حاصل عليها تحصله يا خريج سجون او شهاده ابتدائيه او متوسطه يعني ما يفقه من العلم شي عشان بعد فتره يصير رائيس لمركز هيئه ويتعدل وضعه المادي.
يا جماعه انا بحثت وراء الحادث وقابلت اكثر من شخص وقدرت اوصل الرجال الي بلغ الهيئه عن الشاب والفتاه الله يرحمهم ويسكنهم واسع جناته
القصه الي رواها الي الشخص الي بلغ هيه .
يقول انه شاف البنت والشاب في وضع غير طبيعي في مكان با الحي ولما حسو فيه شردو منه وجلس يتابعهم في نفس الوقت اتصل على واحد يعرفه من رجال الهيئه ولما وصلت سيارة الهيئه ساب لهم المهمه وجلس يتابع الوضع من بعد
الي صار الشاب لما شاف سيارة الهيئه ردة الفعل الطبيعيه انه بيسرع اكثر الين صار يمشي بسرعه جنونيه والهيئه وراه والرجال ذا يتابع الوضع وبعد فتره يقول ما ادري لا انا اشوف الشاحنه وهي تجر السياره مسافه طويله وبعد كذا شبت فيها النار والغريب ان الهيئه لما شافو الي صار هربو من الموقع يقول انا على طول اخذت رقم الوحه وبعد كذا نزلت احاول اطفي الحريق انا وسواق الشاحنه مع انه كان متاثر من الحادث بس ضغط على نفسه وحاول يطفي الحريق معي بس بدون فايده النار كانت قويه وواضح ان الي فيها ميتين قبل لا تشب النار با السياره بعد كذا اتصل مره ثانيه على الهيئه او با الا صح على الرجال الي اعرفه في الهيئه والي كان موجود بسيارة الهيئه رد عليه وقاله احنا ضيعناهم وما عاد قدرنا نعرف فينهم استغرب الرجال وما ضيع وقت اتصل با الدوريات واعطاهم السالفه كامله
في اليوم الثاني تم القبض على رجال الهيئه وكان من ضمنهم احد رجال الهيئه الي اعتدو على رجل قبل فتره بمركز الهيئه وضربوه حتا مات وطلع اخينا براءه !!
المهم با الموضوع تحقق معهم واصرو على موقفهم انهم ضيعو الشاب وهم يطاردونه وبعد محاولات من المحققين اعترفو بعد ثلاثه او اربعه ايام خرجو من السجن بكفاله وصرح احدهم لجريدة عكاظ انه حزين وندمان وجلس يبكي ويقول ما توقة كل ذا بيصير 
يا اخي ما توقعت ونتم تطاردونه بسرعه جنونيه ان من الممكن يصير حادث؟؟
ما توقعت انك بتقتل نفس بريئه بغير ذب؟؟
ما تدري ان دم المسلم على المسلم حرام ؟؟
ما قراءت في القران الكريم قوله عز وجل (ادع الي سبيل ربك بالحكمه والموعظة الحسنه )
ادين ما قال قتل خلق الله عشان تردهم عن ذنب اقترفوه
ما تدري ان الذنب الي اقترفته اكبر من ذنبهم؟؟
بفعلتهم لم يخرجو من المله ولم يكفرو كما فعلت بقتلهم
كيف يا عالم هذا يصير؟؟
كيف يدعي التقى والصلاح وهو يكذب؟؟
كيف يتسبب في موت ثلاتة انفس حتى الان والله اعلم اش الي بيصير بعد كذاولا يزال يمارس صلاحياته وكل مره يبراء من التهم الموجهه اليه!!!
ما اقدر اقول الا الله يجعل ذنب هذين الموتى معلق ربقابهم الي يوم الدين
ويرحم هذول الابرياء
يا اخوان كان فيه الف الف حل ممكن يوقفون الشاب فيه بدون الاجواء الي هذا الا سلوب
كان ممكن ينصحونه وكن من الممكن انه يتوب عن ذنبه والله يقبل توبة العبد بدل انه يموت بذا الوضع
بعض رجال الهيئه ولو اني متحفض على اني اسميهم رجال ما يتبعون مبداء الستر ويستبدلونه بمبداء الفضيحه والتشهير (من ستر مسلم ستره الله يوم لا ضل الا ضله )يتعاملون مع الناس وكانهم هم المسلمون المومنون المتمسكون بدينهم وباقي البشر كفره عصاه
يقذفون ذا ويتكلمون على ذا ويضربون ذا ويقتلون هذا وذاك بلا حسيب ولا رقيب
معقوله ما يدرون ان الدين يسر وان الكلمة الطيبه لها وقعها با النفس !!!
ارجو اني ما طولت عليكم بس والله من القهر والي بقلبي
اتمنى تكون ردودكم على الموضوع منطقيه وعقلانيه
ثالث جريمه تحصل بنفس المنطقه والكل يسكر على عيونه وكانه ما شاف شي ؟؟؟؟!!!!
العرض العادي
