خواطر ؟؟؟

**بنت دمعة العين** · 04-27-2007, 07:56 AM


	ماتت بقلبـي الأسئلـة ومابقى الا ســؤال عيا بقلبي لا يمـــوت ! واليوم ودي اسألك .. ( وش ياحبيبــــي غيّرك ؟ ) من غير ذنب وبلا سبب "" عذبتنـــــي "" و رغم الألـــم ... تصــــدق .. /\/ اشتقــت لــك /\/ تدري وش كثر أحبكّ ؟ كثر البشر.. كثر النجوم.. كثر الزهر.. تدري وش كثر شوقي ؟ شوق الجفاف لقطرة مطر.. شوق البرد لحرقة جمر.. تدري وش تكون لي ؟ انت الحياة.. وانت العمر.. انت القمر.. وشمس الظهر.. خوفي لوغبت أغيب ويختفي بليلي البدر.. لا تنبهر ما جـاك من حبي قليل أنت تستاهــل وانا طبعي كريم يابديل آية صاغها الرب العظيم لو يشوفك فاقــد العقل الهبيل صار مامثله بهالدنيا حكــيم يكفي انك صرت للشمس البديل والقمر في غيبتك يصبح يتـيم مقدر أحبـك أكثر من حدود الغـلا يكفـي إني أحبك باللي أقدر عليـه كيف أحبـك و قلبي بالغـرام امتلا وش تبي منه أكثر وأنت كل شي فيه أحبك حب من عندك الى أبعد حدود الكون أحبك و مابعد شفتك و تعيش بداخلي صورة أصوّرها حسب فكري و أزيّنها لحن وافنون أموت أحيا بحر حبك أخوض الموج و بحوره "أنساك" كلمة مالها أية وجود بمرجعي والقلب لامنه نوى غيرك حبيبي بمنعه تنتابني ذكراك بين "لاوعي" و"اللاوعي" ماكنك الا بحر حلمي والمشاعر اشرعة الا انت بالذات ما ودي تكلمني او تكتب رســـالة او تشرح ظروفك يكفيك يا نور عيني بس تعلمني وين انت؟وانا ارخص الغالي على شوفك اثلجت صدري باتصالك واطفيت نار الشوق يا ذوق كلمة > "حبيبي كيف حالك" < بي حلقت يا سيدي فوق أشـره على اللي في فؤادي مكانه لا شك اذا أبطى وصوته فقدته شـرهة غلا.. شـرهة عتب.. أو ميـــانه.. أخـتر وش الي يعجبك لو كـتبته بس المهم تدري وصالك أمـــــــانه وإنت الذي هـم الأمانه حملـــته !! خذ من ضلوعي: ما يليق بمقامك ماشوف غيـرك غالي في ضلوعي خذ قلبي : ولعته بدنيا غرامك عبر بفرحة شوفتك بالدموعـي تسري بي الذكرى لماضي كلامك لابد وإن طال الزمن من ~® رجوعي ®~ انا المجنون في حبك وعلى حبك انا مفطوره ولقيت الصمت يحكمني اذا جـاء للهوى طاري يبان العشق في عيني واحسبه داخلي مغموره ويفضحني مع العالم ولا ينفع به انكـاري والله لزعل كل هالناس "وارضيك" وامشي معك لو حالوا الناس "دونك" يامن ملكت القلب بالروح "لـفديك" انا معـك لا تفكــر اني "بخونك" بعت البشر وفي زحمت الناس "شاريك" وكرهت ناس(ن) بالزمن "يكرهونك" سرى بي هاجس الذكرى على متن الخيال وهام يرد الذهن لأيام تعدتني لياليها أضم الطيف بعيوني واعانق ساري الأنسام و أردد نغمه الماضي على قلبي وأغنيها " يا ليل الغريب اللي سهر ما نام " تذكرله على بعد المسافه عين يغليها تصدق تونا البارح انا والقلب في طاريك نبض بك.. وقلت له معقول؟ والا انا يتهيأ لي اثر ماني انا وحدي اثر قلبي بعد يغليك اجل وش جابك قباله وانا اطريك في بالي؟ وشو سبب ياناس صد المحبين حتى الرسايل ماتجي من طرفهم ؟ أشوفهم ماهم علينا حريصين مدري من الي من سمانا خطفهم ؟ مدري زعل؟ ولا مع الناس لاهين !! عجزت أحدد ياعرب وش هدفـهم ؟ ابصبر الين رب الخلق يجمعني سـوا وياك واضمك يادفا عمري ترى حضنـك يدفيني ابسعد لا حصل شوفك وبهنا لا حصل لاماك وانا ادري قربي وقربك يعنيـك ويهنينـي الالـم والهم والخـوف الدفين والشقا والضيم وآهات العنــا والأسى والظلم والدمع الحزين كلها اسماء والمعنى أنــــا لي حبيباً من يحبه ما استـراح خلى حياتي كلهـا هـم وعنـا إن قلت ما أحبك زعل مني وراح وإن قلت أحبك قال وش معنى أنا إن حكينـا جـد يقلبهـا مـزاح وإن مزحنا ما يعجبـه مزحنـا إن وعدنا الليل جانا في الصباح هذا إذا انه ما تناسـى وعدنــا يوم القدر يرسم على الوجه ضيقه أنت البشاير بالفــرح والتهاني يوم المراكـب والبحـور العميقة أنت الشراع وطاري أسمك مواني ويوم الغلا يجمع صديق بصديقة يكفي معك حضن الصداقة حواني ** تدري من انـــا ؟ انا الصديق اللي صديقه تنا سـاه صابر على الحزات مثل الاصايل انا حكايه طولها الف مـآســاه تسخر من الاحزان رغم الهـويل انا الوحيد اللي زمانـه تحــداه فاقـد عزيز وحيلته بالرســايل انا كل لحظه لك تعب قلبي وهو صابر ابتقرب انا لدنياك وتصير عيونك اوطاني واعيش احلى العمر وياك وانسى بجنبك احزاني ما يجدد لوعتي... وأقسى حزوني... غير عمرٍ ضاع ما عشته معاك لو جميع الناس في حبك جفوني... يكفي إنك مخلص لي في هواك.. ما يطيع القلب عذالٍ نهوني.. لو يضيع العمر كله في رجاك... صورتك بالقلب تحميها جفوني... وصورة الاخلاص جسدها وفاك... إبـــتـــعـــدنـــا ويشهد الله إن قلبي لك قريب... إبـــتـــعـــدنــا وفي خيالي صورتك ماتغيب... إبـــتـــعـــدنـــا وشوقي لك حاضر..ودايم يزيد... إبـــتـــعـــدنـــا والبعد بين الحبايب........ماهو بــعــيــد... تحاورت...أنا والهاجس اللي منشغل فيك... وكان الحديث...عن طول فترة غيابك؟؟!؟ أنا أقول: "بإنك خلاص ناسي مغليك" وهاجسي قال: "مستحيل تنسى أحبابك" قلنا ببعث لك رسالة ونخليك.. تحكم بنفسك..صاحبي.. (((إيش جوابك؟؟))) لا تسأل المشتاق ليه أرسل اليوم~ ولا تعذل القلب إذا باح بأسراره~ ياالله عسى الخير لك يدوم ويدوم~ والغالي واجب نتطمن على أخباره~ جعل السعادة تضمك في كل يوم~ ودوم قلبك بالفرح مشعل أنواره~ لو يغيب الليل في كف الهجير ماتغيب بوسط عيني طلتك أنت وحدك مالك بقلبي نظير لو يغيب الكوون تبقى دنيتك مدري كيف العمر من دونك يصير كل يوم أسال وأكلم صورتك... ياليتني شمس تداعب جبينك.. أشرق على خدك وحضني يدفيك.. ياليتني قمر يضوي سنينك.. أمسي على نورك ونوري يمسيك... ياليتني مابين رمشك وعينك... أشوف لك دربك...وأنا تـــــــايــــه فيك!!! ونين الشوق في صمتي نطق لــحــظــة.... """"أنــــــا الــمــشــتـــاق"""" """"أنــــــا الــمــلــهـــوف"""" ""لــو تــــدري"" حنيني منبع هيامي... حلفت أبقى على ودي... أصون العهد والميثاق... ولو جفت بي عروقي... تظل بناظري غــــــااااااالي..... في داخلي لك غــــلا تضيع الدنيا فيه.. غلا يغطي الأرض ويحجب سماها... غلا بروحي اشيله وأداريه... غلا ما يبدله لين الأيام وقساها... أبهديك قلبي...هذا اقل شي أهديه... "خذ الفرح منه..و رد الأحزان للي هداها" أنا لامن نويت أرحل..أشد برحلتي يمك... ولا من نويت أبعد..رجعت بلهفة لعيونك... ولا من حلت الفرقا.. أفــــكـــر كيف أنا بدونك؟؟ أضم عيوني بطيفك...وأفتحها وأنا أضمك... إن طال عمري يا هوى الروح منساك.. بعيش في ذكراك تالي زماني.. آآآمـــر تراها كل الأعمار تفداك.. لك بسمتي،، لك دمععتي،، لك حناني،، أنت الوحيد وداخل القلب ذكراك.. ياللي بنيت بقربك أحلى الأماني.. عفوا صديقي كاني بحقك أخطيت أرجو السموحة لا تخيب ظنوني عفوا صديقي لو نسيت وتناسيت الوقت والأيام عنك خذوني توك قبل لحظة على البال مريت توي أسولف عن غلاك لعيوني مثلك صديق لا حشا ما تناسيت لو كان وقتي والمشاغل خذوني فريت صندوق الرسايل ولا فاد عجزت ألاقي ما يوازي غلاكم هي كلمة في صدورنا دوم تزداد "نــــعـــــزكــــــــم" ونحب لحظة لقاكم القلب واله حيل والقلب وقاد ولو تطلبون العين مني فداكم كانت رسايلك مثل الشمس كل يوم تشرق علينا وتغيب وبعدها صارت مثل الهلال نشوفها كل شهر مره والحين مثل البراكين تخمد وتثور بعد السنين أتمنى من الله ما تنقرض مثل الديناصورات وتصير حكاية واساطير... انشاء الله تعجبكم؟!

**جرح العين** · 04-27-2007, 06:11 PM

مشكوووووووووووووووووره
تقبلوا خالص تحياتي

**بنت دمعة العين** · 04-29-2007, 02:56 AM

العفووووووووووووووووووووووووو
ياقلبي.................

حووووور · 05-21-2007, 07:52 PM

تسلم يمنااااااااااج على هذه الكلمااااااااات
ودمتي

**بنت دمعة العين** · 05-22-2007, 09:09 PM

مشكــــــــــــــــــــــــ يالغاليه ـــــــــــــــــــــــــــــــووره
وعلى مرورك الذي اسعدني في كل موضوع اطرحــــــــــــــــــه
ماااااااقصرتي.........

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري



للاستفسار عن أي مشكلة تواجهك أو كلمات المرور ، فضلاً ضع استفسارك من هنـــــا أو d3een@msn.com