اليكم الموضوع :

يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في

فارسة احلامك..

الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. .

ترد انت بكل خوف : خير يمايه؟ ....

تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش

رايك؟ ....


ثم تنزل انت راسك في الارض و تلعب باصبعك في شعرك (او شنبك)و ترد و انت

مستحي و خدودك حمرة
(هذا اذا كنت محلق اللحية)
و تقول: ....

الراي رايك والشور شورك يايمه..

تقول امك: انا بصراحة ما اشوف في البنت شي. .

ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من

المسجد للبيت ..

ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما

عليها. .

تقول انت : بس يا يمه هي ما شافتني من اول. (والله عيب بس بكمل)

تقول امك: هي شافتك و انت نازل من باص المدرسة (الله واكبر يالروز رايز)...

بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه.

(والله فشيلة بس بكمل)

و تراها هي و امها جايين يوم الخميس علشان يشوفونك..

تسال انت: انشالله يا يمه ابوي وش رايه؟

تقول امك: ابوك ما يدري خليه حايس في المطبخ الله يعينه..

تقول انت :اللي تشوفينه يمه. .وتطلع امك من الغرفة

وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك

بدلع (ياعمري)

و تقول : اه اخيرا حسَت و خطبتني. ( لا لا لا والله ما يصير بس بكمل)

و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت)

و تزين حواجبك .



ويقولك ابوك : يالله دخل العصير على خطيبتك ترى امك ذبحتنا تسال عنك

تقول انت بكل خجل: واي واي يابويه انا استحي


ابوك يقولك وهو يطق على كتفك و يضحك يا ولد روح لعروسك إهئ إهئ

تقول انت: ياابويه دايما تحرجني انت واي واي

و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت

ناعم: احم احم الس سسسلام عليكم(صاير حكيم على غفلة)

ترد هي بعد ما وقفت و عليكم السلام ( و هي تناظر فيك و في كل قطعة فيك) ...

و تقولها تفضلي....

تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق.

تقول انت: كله حلو

تقول هي: اكيد كله حلو لانك انت اللي مسويه

ثم تحط الصينية بسرعة و يدك على فمك و تضحك و تروح داخل بسرعة

ياربييييييييييييييه

الا اخوانك يستنونك و يقولون: ها وشوه شكلها


تقول انت: واي واي تهبل تهبل حلوة و دمها خفيف و ذوق اهههههااي

الا ابوك من المطبخ . (يزغرط بالمصري)

لللللللوووولللللوووووشششششششش مبروك يا ولدي

الا بدخلة اختك واصله من برى( و حاطه عبايتها على كتفها )و تقول : خير وش فيه !! <<<كفو والله هع هع هع

يقوله ابوك : قصري صوتك في وحده داخل خطبت اخوك ..

تقول اختك: وهي وين شافت اخوي علشان تخطبه هاه؟؟؟؟
و تعطيك كف و تصرخ والله لالعن شكلها

اللي جايه تخطب اخوي شباب آخر زمن

<<< والله وصرتم يالبنات تقولونها

الا بدخلة امك و تسطر اختك كف و تطلع اختك بالسيارة و تفحط و تروح من البيت زعلنه البنات

<<<<..تخيلوا عاد

و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة

تتمشون و تحاول انها تمسك ايدك و انت مستحي ( ومن هناك ودك و بتموت)

و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران

فرقة الشاطئ للرجال و طبعا مافيه **يدة او صيته او العنود وسارة

وشوي الا العفسة قايمة : ترى العروس جايه

و ينطون الرجال و الشباب كلن يلبس غترته ومتلثم..

و تدخل العروس مع امها و خواتها (خواتها يتيميلحون قدام الشباب )
و تقعد العروس جنبك و ترفع

الطرحة (طرحة البسام بصمة خمسة) و تقولك: الله صاير مثل القمر

ثم تلف وجهك وانت مستحي

وبعد شهور وبعد ما يجيك عيال

و ترجع لبيتك تربي عيالك و تطبخ الغدا لزوجتك

وتتخانقون
ساعات و تنام و دمعتك على شنبك<<<<هههههههههه

لطش لعيونكم^_^

هههههههههههههههههههههههههه
تسلم يمينك
ذوق
ياكل الذوووق
فديت قـلبكـ ياغلاهم
يالبى قلبكـ يالغلا


تقبلي تحيااااتي