ما غير أدور ما يسرك ويرضيك
متولع ٍ برضاك ورضـاك كايـد
يا فاتني طالت مسافـة تماديـك
جورك طغا وأنا بيّ الشوق زايد
سر اهتمامي فيك ماهوب خافيك
عَلمك قلبك قبل تقـرا القصايـد
قصايدي نبضات قلـبٍ يناجيـك
متعودٍ من رمش عينـك عوايـد
عوايدٍ عنهـا قبـل عـام ناهيـك
أقول صد إليـن تطفـي الوقايـد
لا تجرح رماح الهدب قلب مغليك
ما به مكان ٍ للجـروح الجدايـد
تعرف غلاك ومقصدك من تعلّيك
تبيني أسلا عـن قريـبٍ ونايـد
للشاعــــــــــــــــــــــــــــر:
عبدالعزيز بن سعود -السامر