السلام عليكم ورحمة الله وبركاته
×القلم ربان والمعنى سفين×والورق ضميان وأفكــاري نهر×




انتثر ليلي على صبحـي حزيـن

وأشرقت شمسك وأنا روض وزهر

فاحت جروحي بعطـر وياسميـن

واشتعل حرفي بصدري ..من قهر

يا حبيبي يـا شمـوخ العاشقيـن
يا شبيـه الحـر لا منـه شهـر

رد قلبٍ في يـدك خذتـه سجيـن
يكفي أن السـر.. للعالـم ظهـر

غبت لكن عنك ما غـاب الحنيـن
ما خبر شوفي عطى طيفك.. ظهر

يشهد الله جرحك بصـدري ثميـن
صدق إني منك.. حبيـت السهـر

صرت لمخيـم عذاباتـك جنيَـن
كنك الموت الحمر لا مـن ظهـر

يا اصدق أحبابي على مر السنين
شف شعوري من سواياك انبهـر

مـا طلبتـك معصيـة للوالديـن
ولا طلبتك تعطي السمعـة مهـر

اعتقـد إنـي طلبتـك حاجتيـن
لا تواصلني .. وتقطعنـي شهـر

إزعل وعاتـب ولاكـن لا تهيـن
لا تظن البنت ما هي.. من ظهـر

ما يفيد أقسـى ولا ينفـع تليـن
لا تصير العون في ظلـم الدهـر

دامنـا بيـن الليالـي راحلـيـن
خلنـا نقطـف ... ليالينـا زهـر

تحيــــــــــــــــــــــــــــاتي,,,,,,,,