قالوا جميع الناس لاتهتمْ
ونام الحزن في عيوني وأنا مهتم
بغيت أسألك .. هو الحزن [ مايرحم ]
والا الناس ماتدري صنوف الهم
يقولون الحزن [ نزوة ]
وبعض الناس لابالغْ
يقول إن الحزن [ شهوة ]
:
::
:
وأنا لحالي .. أشوف إن الحزن [ سيرة ]
بتعذيبه وتأثيره
أنا التاريخ لاحزاني
واذا مرة بغيت أحزن قعدت أقراه
لقيت إن العمر مرة
حكاية تبتدي [ بالموت ]
ومرة [ تنتهي ] بالصوت
وكل اللي قريت ألقاه
:
::
:
أنا [ الأحزان ] تذكاري
قلم في يد مشلولة
تعريني مع أشعاري
وتنثر [ حسرتي ] حوله
بغيت أسألك وانتي قاعدة وحدك
من اللي يقدر يفكرْ
[ بأنثى ] فاتنة بعدك
من اللي يقدر يسافر عن عيونك
من اللي يزرع أحزانه
و [ تاريخه ]
و [ عنوانه ]
بأرض ترابها دونك
:
::
:
لذة [ غرام ] وش يعني ..؟
ورثت الغرام و [ الحسرة ]
وإذا بكره
نبتت زهره
ابقطفها و [ أقدمها ]
هدية [ حب ] في مظروف [ لعيونك ]
ابكتب فوق جدرانه
أمانَةَ عليك وشلونك
يا [ أجمل ] و [ أعذب ] سنيني
تحبيني . . !!