اعزائي :-
هذه القصيدة المتواضعه مناسبتها واقعيه احببت ان اذكر لكم المناسبه كي تتفاعلوا مع ابياتها لن اطيل عليكم سوف اختصر..
حب لم يدوم سوى اشهر قلائل بين شاب وفتاة وقبل ان يتقدم الشاب لخطبتها من ابيها بايام لم يجدها ولم يجد لها اثر؟؟؟
لقد رحلت هي واهلها خارج المدينه وبعد فترة ليست بطويلة اتاه خبر زفافها على ابن عمها !!!!!
فكتبت هذه الابيات لان ذاك الموقف اثر بنفسي شخصياً وقد جعلتها بلسانه..
غـــريب عــايـــش فـــي دنيـــا غريبه
وحـيـــد بـــدنيــتـــي وبـــدون احباب
والمصيبـــــه حبـــــي اكبـــــر مصيبه
والمصيبــــه مــــا تجـــي دون اسباب
يـــــاكم واحــدً فالحـب خـــانه حبيبه
غــاب عـــن عينــه ومن دنيـتــه غاب
صاح وبكـــا المســكين وشــق جيبه
ولطم خـــــدوده ونثــر ع وجهه تراب
نـــــادى بصوتــه حبيبــي من يجيبه
راح يركــــض يتبـــع بــاقي السراب
وين النخـــوه يا نـــاس ومن انتخيبه
من يــــزح عنــي يا نـــــاس الضباب
حيــاتي بـــدون خلـــي والله صعيبه
ذاب قلبي من فراقـــه تــــــرى ذاب
وين طبيب قلبـــــي انا ابغى طبيبه
جرحـــــي عميق افزعولي يالاقراب
ليـــه يتـــرك الحبيب خـــلـه ويسيبه
ليــه يقفل حبيبـــي قدامــــي الباب
نسـى ايامنـــا يــــوم كنت التقييبه
فــذاك المكان الي عن العين ماغاب
اروي خفوقي منه وارجــع ارتويبه
واجمع خفوقي وانثره بين الاهداب
لا مر من بعيد اعرفــه واشـــم طيبه
طيبــــه يشتت بـــاقي كل الاطياب
ارمي جروحـــي وكلي انا ارتميبه
اناسب والله معه انا بالحيل انساب
ما فيــــه احــــد غريها مني قريبه
لعنبوا الحب تـــراه بالحيـــل غلاب
ما دريت ان حبيبي جالس مع خطيبه
لين عقد ولدعمهـــا عليهــــا بكتاب
تـــزوجت و الــزواج مـا هـــو بعيبه
وانا حسابي معاها والله له حساب
الي باعتني عشانه جعلهــا تغتنيبه
وانا عن محبتهــا ابضـرب اضــراب
حسبـــي عليها وجعل ربي حسيبه
ومن دعــا ربه بدعـــواه مـــا خاب
كنت مرتجي قربها وحبها ارتجيبه
اثر حبها كــان لـون صبـغة خضاب
انا لوبغيتــه ترانـــي اقدر اختليبه
لكن ما بغيته في يوم منـي ينعاب
وانا لوحطيته براســـي اقدر اجيبه
ما يعوقني عنها طــــوال الاشناب
انا رجــــــال ما ارضى علي الغليبه
حتـى الغراب ما يرضاها وهو غراب
انا رجــــال تملكني بطبعي الطيبه
حتى الداب لاشفته ماذبحه وهو داب
الي يبيني فـــوق راســـي اعتليبه
والــي راح وجفانـــي جعله لذهاب
الحديد ترى النــــار هي الي تذيبه
والقـــــدر ترى ما يثبت الا بمركاب
كنتي حنـــونه وعاطفــــيه واديبه
كنتــي لي انتي مثل ضل السحاب
ليه يوم رحتـــي ما كنتــــي ذريبه
ليه يوم رحتي شلتــي كل الاطناب
طاح البيت الي كنت انـــــا اذتريبه
ومن بعدك فقدت انــــا كل الصواب
سالت دموعي على خــــدي صبيبه
ضيعتي حياتي وضـاع كل الشباب
يـومك معـــي راسي ما فيــه شيبه
واليوم باسبابك راسي للاسف شاب
وش تبيبه ياقلبـــي قلي وش تبيبه
اعتبرهــا ملبوس رميته مثل الثياب
ارجـــع اقــــول كلن بياخذ نصيبه
وانا ابلقى غيرها بدنيتـــي احباب
بقلم المواسي