حلو و مو حلو
%%%%%
شي " حلو " ان الانسان ياخذ العادات الحلوه من الغير و يقتدي فيهم علشان يطور من نفسه و يرتقي بدولته و يخليها من احسن للاحسن .
شي " مو حلو " انا ناخذ العادات الغريبة و الاشياء اللي يستنكرها مجتمعنا و ما تمشي مع عاداتنا و تقاليدنا و نحول نلبس ثوب مو ثوبنا .
" حلو " انا نقلد الغير في العلم و المعرفة .. و نطلع على تراثهم و ثقافتهم علشان نستفيد و ناخذ و نطرح الشين .
" مو حلو " ان نصير مثل الغير في لبسهم و شعرهم و صرعتهم اللي ما لها شغل بدينا و مبادئنا .
%%%%%
" حلو " ان الانسان يلبس و يكشخ و يتبع الموضة بس بشكل معقول .
" مو حلو " ان الواحد يبالغ في لبسه و شكله و يصير نسخ بس علشان الاستايل .
و " حلو " ان الواحد يختار الانسان كصديق بنفسه و اشوف اللي يتوافق مع افكاري و ميولي و اطباعي .
بس اللي " مو حلو " ان تكون معايير التقييم للشخصيات مبنية على مظاهرهم .. و شنو عندهم و ما عندهم .
%%%%%
وايد " حلو " ان تكون لنا نظرتنا الخاصة بالناس و قناعتنا اللي من خلالها نتقرب و نبعد و نتناقش و نتحاور فيها و نحترم غيرنا بافكارهم و توجهاتهم و قناعاتهم .
و كلش " مو حلو " انا نعادي و نحتقر الاشخاص اللي يخالفونا بالرأي و الفكر و نقول عنهم ما يفهمون او معقدين .
%%%%%
ترى " حلو " ان الواحد يكون صريح بحدود اللباقة بدون تجريح و المجاملة هم زينة و وايد لها دون بتخطي الازمات في العلاقات سواء الشخصية و الاجتماعية .
و اللي " مو حلو " ان الانسان يجامل لحد النفاق و يصير افاق ويخادع الناس علشان لا يزعلون منه .. و دايما يكسبهم بصفة .
%%%%%
" حلو " ان الانسان يجتهد و يحاول يوصل بجده و تعبه و ان ياخذ من غيره الشي الزين اللي يقيده بشغله و يحسن من مستواه و يخلية يرتقي بمكانته عمليا و مجتمعيا.
بس " مو حلو " ان الواحد يتملق الناس و يتمصلح و يكون معاهم ، معاهم .... عليهم ، عليهم و ياخذ جهد غيره و ينسبه لنفسه علشان يكون اهو الزين اللي ما فيه منه .
%%%%%
ترى " حلو " ان افتخر بنفسي و انجازاتي و شنو سويت و ما سويت ... كل انسان من حقه يفتخر بنفسه و جهده و انجازاته .
و الشي اللي " مو حلو " ان الافتخار يصل الى حد المبالغة اللي طيحني من عين غيري و جنه يا ( يا ارض انهدي ما عليكي قدي ) ...
%%%%%
" حلو " ان تكون شي له مكانه بين الناس ياخذون برايك و تاخذ برايهم بامور مهمة.
و اللي " مو حلو " ان مكانتك بين الناس تختفي بين يوم و ليله بسب ناس تافه و منافقه بزيادة ... بالكويتي ( عقب ما كنت انا الاول صرت انا التالي ) ...!!!
%%%%%
مقالة اعجبتني فحبيت انقلها لكم .... مع إضافاتي ....