°ˆ~*¤®§(*§*)§®¤*~ˆ°(( غريب وغربة ))°ˆ~*¤®§(*§*)§®¤*~ˆ°





ما كل زول ٍ عايش دايـم الـدوم
لابد مـن يـوم ٍ يحيـن اغترابـه
يحمل على لوح ٍ من الناس مزحوم
من كل خلـق الله وكـل القرابـة
يسمع من أقوال البشر قول مرحوم
وأصوات مجروحة تعاني غيابـة
يوضع بقبرٍ دونه البـاب مـردوم
في حفرة ظلمـه تثيـر الغرابـة
لا صاحب يجري ولا مال واهدوم
مـا غيـر أعمـال ٍ تبيـن كتابـة
يسأل عن اللي كان خافي ومكتـوم
يسأل عن أمواله وعمره وشبابـه
تبقى الإجابة في دجى ليلة تحـوم
ما يطابق اللسانه حروف الإجابـة
يرمى في نيران ٍ وفي ظل يحموم
في جيدها الناري يضاعف عذابـه
ياكل من أشجار ٍ تسمـى بزقـوم
أشجار نيـران ٍ وعكـر شرابـه
يبدي على نفسه من الحسرة واللوم
وتعض أطـراف الأصابـع نيابـة
وأن كان محمودٍ ومن خيرة القـوم
لجنـة الفـردوس يرجـع مآبـه
أمكـرم ٍ فيهـا معـزز ومخـدوم
موسـعً قبـره وطيـب رحـابـة
هاذي حقيقة يا عرب ماهي أحلوم
والكل مجبـورٍ يراجـع حسابـه
من كان عن درب الهدايات منجوم
يستغفـر المعبـود ويتلـو كتابـة
ارجع قبل لا تصل الروح حلقـوم
وتصير لأنيـاب المنايـا اطلابـه

تحياتي
متلثمه بشماغ ابوها