ياصاحبي الدنيـا حكايـات وعلـوم
قصص عجيبه تذهـل اللـي قراهـا
الدنيا لو تضحك معـك دايـم الـدوم
خلـك فطيـن ولايهمـك رضـاهـا
كم واحد تبنـى لـه أمـال وحلوم
يفني وغيـره يهتنـي فـي بناهـا
ياما أفرحـت قـوم وأحزنـت قـوم
وكم أعشقت عين وخانـت غلاهـا
ياصاحبي شفت أمس شف حالنا اليوم
دنيـا تقلـب يكـفـي الله بـلاهـا
اليوم لامنـه بغـت عينـي النـوم
تنكـدت روحـي وعافـت كـراهـا
ماكل من عـلا بالأصـوات مفهـوم
وماكـل روح تلتقـي فـي مناهـا
.وماكل من يشكي معذب ومحـروم
وماكل من يضحك همومـه نساهـا
بحرالحياه إن صرت ماتعرف العـوم
يرميـك فـي غبـه بعيـده مداهـا
من راح يستسلم من أحزان وهمـوم
يمـوت حـي وحاجتـه ماقضاهـا
واجه هبوب الوقت بإيمان وعـزوم
لابدمـاربـك يـهـدي هـواهــا
وأصبر إذا شمسك حجب نورها غيوم
الغيـم بتفـرق ويشـرق سنـاهـا
وسلامتكـــــــــــــ
ـــــــــــــــم