لاتتصل ماني على الصوت شفقان
وفـــر كلافـة عنوتـك واتصالـك
اللي زعل يبقى على طول زعلان
ومشكور ماقصرت يكفي سؤالـك
مامشي ورى المقفي لو كان ماكان
اعز نفسي صوب رغبة وصالك
صحيح أحبك مولعاً فيك هيمـان
وصوتك يسافربي لاعالم خيالـك
لكن حبي لك أله اربـع أركـان
من دونها عندي قصيره حبالـك
وأن كان ناويها صدوداً وهجـران
((لابوك لابو الحب لابـو جمالـك))
أحقرك وانهي عشرتك ذل حقران
بهيبك لينـه يخيفـك أضلالـك
ماقد سمعت بذل أنسان لاأنسـان
مني خذه لاتسمعـه دوك جالـك
لاتحسبني شخص بالسهل ينهـان
منهو نواها محاوله صار هالـك
لاتتصل ماني على الصوت شفقان
وفر كلافـة عنوتـك وأتصالـك
اللي زعل يبقى على طول زعلان
ومشكور ماقصرت يكفي سؤالـك
تحياتي