السلام عليكم ورحمة الله وبركاته
بستان القصايد
البنات العطر نور القلب بستـان القصايـد
والخطاء منهن قليل وفي سجاياهن قصيـدة
ادري ان الذوق منهن والحلا والزين زايـد
البنات احساس قلب ينزف الحـب بوريـده
فيهن المزح الطفولي فيهن الغـر الفرايـد
فيهن اسرار المحبة فيهن المهـر الفريـدة
بس انا استغرب سولف تلبس ثياب العوايد
تمتهن بعض البنات وعندها اسبابٍ عديـدة
تكسر قلوب البنـات وترفـع ذراع المكايـد
تكتسي بالظلم يوم وتشرب اسباب المكيـدة
الطلاق اخر حلول واصبـح اليـوم بتزايـد
والسبب جاهز لدينا بنت لو كانـت شديـدة
لية ياقسوة زمننا ؟ الولد دايـم محاااااايـد
لية ماعندة خطايا ؟ لو سرق مانقطع ايـدة؟
ودارت الايام دورة ونكشف هـم الشدايـد
بس تبقى البنت دائم في عوايدنـا وحيـدة
لوخطبها شخص ثاني قامت الدنيـا مصايـد
وش تبي ؟ كانت وكانت والهدف كل ٍ يصيدة
وذبحوها في فرحها والشكوك اكثـر تزايـد
لية الاول ماتركها يمكن انسانـة عنيـدة؟!
يمكن تكون البنيـة اخطـأت ولـلا تكايـد
يمكن تكون البنية رغـم مظهرهـا مريـدة
لية ياقسوة زمنـا ؟ الولـد بالطهـر رائـد
لية ؟ يمكن يازمن تظهـر العـذرا شهيـدة
الشباب اكثر خطايا والبنات اصدق وعايـد
الشباب اللي نشوفة نادر ٍ يصـدق وعيـده
الشباب احيان طايش مايفكـر فـي النقايـد
وان تيسر لة خطيه قال يافرصـة سعيـده
وارجع اقول البنات العطر بستان القصايـد
والخطا منهن قليل وفي سجاياهـن قصيـده
وسلامتكم