السلام عليكم ورحمة الله وبركاته

تكفون خلوه لاتحصون غلطاته
أنا ادري انه تلف حالي وضيعني
وادري ان سواة العدو ابرك من سواته
بس ان قلبي اعرفه وما يطاوعني
هذاك انا اضيع لا طالعت نظراته
بعيونه السود يسمح لي ويمنعني
احلى علامات في الدنيا علاماته
متع نظر كل من شافه ومتعني
خلوه يخطي انا راضي بسياته
يخطي بكيفه ولكن لا يقاطعني
من كثر ما اغليه صرت افرح بزلاته
ولو قلتوا: اخطا عليك اقول: وش يعني؟!
خلاني امشي على كيفه ومشهاته
طوّعني .. شلون؟! مدري بس طوّعني