السلام عليكم ورحمة الله وبركاته
يا هلا وغلا
في العيـــن
في العين قلبي معك يا زين
يالغالي ياللي رابي هناك
انت سكنت العين والعين
في ناظري محد يسواك
الله خلقنا قلب في اثنين
مثل الجسد والروح وياك
لا فرق الله بيننا البين
وتعيش تهواني وانا اهواك
ويني انا وينك من سنين
عمري قبل ضايع بلياك
واليوم عشت العمر عمرين
من شفت انا طلعة محياك
اعرف مكاني داخلك وين
وتعرف قدرك عند مضناك
انت وانا في الحب وافين
ما اظن تنساني ولا انساك
في العين قلبي معك يا زين
يالغالي ياللي رابي هناك