ياهيه التفت لي واسمع لي ياهيه
ترى عادك بتشبع من البعد وتواجه
دعيتك بصوت يوصلك ليه ماتوحيه
اسمع ضلوعك من صدى الصوت لجاجه
ترى العفو قد جاك اوله واغتنم تاليه
وترى الحلم بحر لكن لا تامن امواجه
وترى الود ليل مظلم جيت لك ساريه
سراجه وصالك والجفا ينفخ سراجه
وترى قصرنا اللي كم شهر نجمع نبنيه
هوى العذل طيح بابه العود وسياجه
لي ايام مدري وين دارك ولا ادري ليه
وانا خابر اني باب شفك ومزلاجه
ترى الغياب بلا سبه عجاج بلاتنبيه
جفا اغلى العرب نار على الكبد وهاجه
نضج قلبي من البعد وش حاجتك تكويه
جفاك الجمر والصبر في بعدك الصاجه
طبع حبك بقلبي والايام ماتمحيه
هذا هجرك يحاول يموجه ولا ماجه
يموت الامل لكن ظنون الغلا تحييه
وعروق الوفاء فالقلب والروح وجاجه
خبر تو حدن يبكي على واحد يبكيه
وخبر تو حدن مسجون مايبغي افراجه
أحبه واعشقه ولا ابغته على شي يسويه
ومازالت رقاب الرجافي وصاله منعاجه
عسى منزل ضمه حقوق الوسم تسقيه
وتضحك له الدنيا وهو يضحك حجاجه
فقد خاطري شي من الضيقه يسليه
وغدت روحي من الناس والليل هجاجه
اروح لمكان خابره دا يم ٍ ياتيه
اسووق القدم صوبه و مالها حاجه
مكان يزيه واول مواجهي له فيه
وانا خابر مارجل مثله بدواجه
لعل وعسى ماحدني للمجي يدعيه
واشوفه وانا ماودي اسبب احراجه
يحب الجريح اخر دروب اللقا ويجيه
وتحب القدم جية مكان اول مواجه
اخوكــــــــم...... جــــــــــــرح العيــــــــن ...