تصرم شهور العام والوقت في فالـه
مقفي وانا اللي منه خوفي على سنيني
اعد الشهر باليـوم واراقـب هلالـه
واعض اصبعي لازل من غير تثميني
وانا اللي من اول كل شي على بالـه
وعلمي بكيفي بين يسـراي ويمينـي
اناجي زماني واتخيـر مـن دلالـه
ولايطري المكروه من بينـه وبينـي
يالين انْه صافحنـي بيمنـاي بشمالـه
وبيّن لي اللـي نـاوي يفعلـه فينـي
الاواسفاب الزرع ياللـي تحـرا لـه
زرعته بعشر سنين واقفـى بيومينـي
عقب قلت زان الوقت صد وتلوالـه
وعودت انا المقهور وش عاد بيدينـي
ويالايمـي غـارات الايـام قتـالـة
ولو تكثر من اللـوم ماعـاد يمدينـي
دخيلك تخلي ضايق الصدر في حاله
تراني علـى حـد البكـا لاتبكينـي
لكــــــــــــــم مودتــــــــــــــي
بنوووتـــــــــــــــــــه