البارحه كنا الفضاء غرفـه انعـاش
وانا المريض اللي حياتـه كسيفـه
والهـم ذيـب للمعاليـق عـراش
قلب سخيف واعظم الحـزن ضيفـه
واليانشدني واحـد قلـت مهنـاش
مابـه جديـد الا قـديـم نظيـفـه
ياليتها ضيق في الارزاق واعتـاش
اعتاش لو ملقـى لعمـري وظيفـه
وليت السبب حب للطراف رعـاش
كـم وليـف ماحصـلـه و ليـفـه
مير البلاء لشفـت للديـن نهـاش
ومن النفووس الحاقدات الضعيفـه
ومن عادتي لجبتها جبتهـا كـاش
واللي زعل يزعل على كيـف كيفـه
هذ جواب عاجل لطـاش ماطـاش
يخزي وجه ناصر ويخـزي حليفـه
مانقبل الصـوره بتفكيـر حشـاش
لاهل القلوب الطاهـرات الشريفـه
لا عاش من يشتم اهل الدين لا عاش
ولا عاش من يشهر على الدين سيفه
ذولى اهل التوحيد يا الغادر الغـاش
ريفك وريف اللي اخذ الوقت ريفـه
قلوبهم بيضاء ابيض مـن الشـاش
وافعالهـم عنـد المعـادي كليفـه
ذولي رجال الدين يا.هل. الاحـواش
الله مكرمـهـم بمـلـه حنيـفـه
والا انت ضايع وبايع الدين ببـلاش
بصيرتـك بيـن البصايـر كفيفـه
بكره لجتك المنيـه علـى إفـراش
ومرت حياتك قدام عينـك عصيفـه
وحسيت روحك تراقى علـى جـاش
وانك ظلمت اهل القلـوب النظيفـه
في وقتها مالك من الموت منحـاش
بيحاسبك راعي العـدل والنصيفـه
ولا احد مرمش لتوفيـت برمـاش
جيفه ومن يبكي من النـاس جيفـه
وان عشت يا خفاش وان مت خفاش
مايفقـدك غيـر العقـول الخفيفـه
وختامهـا مانـي جايـك برشـاش
لنه بحكم اهـل السيـوف الرهيفـه
مير افهم الموضوع يا طاش ماطاش
واترك تفاهـات اليهـود السخيفـه