الحمد لله الذي وهبني مولودا ثانيا بعد
ابني الاول ( حسام ) وقد سميته ( محمد )
على اسم عمه رحمه الله لاني كنت قد وعدت
اهل بيتي ان اسمي محمدا
وما ان اذنت واقمت للصلاة وقبلته اول قبله
حتى فاضت دموعي وكتبت هذه القصيده التي اعتبرها
اجمل واغلى قصيده في حياتي والقصيده هي :
يا خوي وعدتك اسمّيك ولِوعدي أوفيت
ويارب قدّرني أوفي بوعودٍ وعدتها
يا خوي (رياض) الثاني إن أطال الله عمري وحييت
وأساله يساعدني على وعودٍ أنا نطقتها
يا خوي لولا مخافة الله كان قلت منت ميت
لأنك انت عايشٍ بين نفسي وروحها
يا خوي أنا اشهد لطيفك أبدا ما نسيت
وما يمر اسبوع إلا أشوف روحك وطيفها
يا خوي والله ثم والله لفراقك ما قويت
والله تشتت أفكاري ودموعي ما مسكتها
يا خوي أنا اشهد إنك أغلى الأقارب وبمقامك تعليت
حتى لو إن نفسك فاضت روحها
يا خوي لآخر مره شفتك والله العظيم ما نسيت
واقسم بربي كأني الآن عايشٍ بوقتها
يا خوي كل مره أقول إني لذكراك نسيت
لكن يرجع لي طيفك بأحلامٍ عشتها
يا خوي والله لو بكيفي كان بروحي لك فديت
لكن ربك يقول هذه أقداري كتبتها
يا خوي هذا اسمك بإذن الله رديت
ولو بأمري كان لروحك أنا رديتها
يا خوي هذا قدرنا والله أنا عليه ما اعتليت
وما فيه قوة تقدر تغير قسيمتها
يا خوي أسال ربي انك بالفردوس حلّيت
وانك تشربا من كوثر الجنة وتأكل ثمرتها
يا خوي أسأل ربك يسامحك إن علينا تعديت
ويغفر لك ذنوب بسبتنا انت ارتكبتها