الشخصيـات :

عايلة بو حميد :

بو حميد ريال طيب و يشتغل ويا اخوه في الشركه و يحب عياله وايد وايد و خصن البنااااات ... و يتابع ولده هزاع لأنه وايد مشاغب و بتعرفونه بعدين في اللأحداث ,,,

ام حميد واييييييييييد طيبه و حبوبه و تحب تسولف يا عيالها و تيلس وياهم و تهتم فيهم وايد و حرمة بيت يعني و تسوي اي شي عشان تسعد عيالها ..و هي فيها مرض السكري الله يشفيها ,,,,


حميد ولده العود و عمره 23 سنه و هو يشتغل في شركة عمه بو محمد و هو ريال طيب و حبوب و شعره ناعم و
عيونه وساع و دوووم مؤذب برع البيت بس في البيت أعوذ بالله ×خخخخخ...

هزاع اصغر من حميد بأربع سنوات يعني عمره 19 و هو مشاغب وايد و يحب السوالف و و خصن سوالف البنات و دووووم يضارب يا اخته فطووم و هو يدرس في جامعة الإمارات ... و هو بعد حبوب وايد و شعره طويل شوي و عيونه وساااع و ويه لوح خخخ ...

فطووم هي آخر العنقووووود عمرها 15 سنه حبوبه و طيوبه و وايد وايد حلوه ماشاءلله عليها شعرها طويل لآخر ظهرها و عيونها وساع و عسليات و جسمها ماشاءلله وايد حلو و الكل يمدحها ع اخلاقها الحلوه و احترمها للي أكبر منها ....

و في شخصيات زياده بتعرفونهم في اللأحداث

البارت(-1ـ)......

الصبح الساعه 7:30 ....

فطوم نشت من الرقاد راحت الحمام تتغسل و تاخذ شور سريع و ظهرت من الحمام نشفت شعرها و لبست اثيابها و لفت شعرها و لبست شيلتها و طارت رقض للأمها .......... الي يقول مادري متطير المدرسه


فطوم و هي داشه غرفة الطعام : السلاااااااااااااااااااام عليكم صباح الخير ...

كان بوحميد و حميد و ام حميد يالسين يتريقون ..

الكل : و عليكم السلام .

وراحت حبة راس امها و ابوها و سلمت على حميد ....

ام حميد : ها بنتي اشوفج نشيطه اليوم لأهل درجه مستعيله ع المدرسه ..,.

فطوم : هيه والله صارلي شهووووور مب جايفه اربيعاتي تولهت عليهم وايد وايييييييد

حميد: مالت سكتي وايد ترمسين اتريقي احسن لج من هل هدربان

فطوم : اولا انا ارمس امي ما ارمسك ..

بو حميد : بلاكم اجلبتو من الفرحه لضرابه ..

حميد : هاي بنتك من الصبح تهودر ....

فطوم : خلاص بسكت مابرمس ...

حميد : احسن .,

فطوم : عيل وين هزاعوووه ؟

ام حميد : اوووووووه نسيت اقعده حبيبتي فطوم سيري قعديه ...

فطوم : خلي حميد والله ماداني اقعد هزاعوه يعور راسي ع الفاضي ...

حميد : اميه قالتلج انتي ... و سمعي الكلام يلى سيري

فطوم : خلاص بسير والله يكون ف عوني ..

فطوم راحت دقت باب غرفة هزاااااااع ..

دق .. دق .. دق ... هزااااااااااااااااااااااااااااااااااااااعوووه قوم بسك ارقاد

هزاع : طااااااااااااااااااااااااف

فطوم : هزاعوه قوم والله ترا اخبر عليك اميه ع الي سويته امس

هزاع ينش بسرعه و تخرطف و طاح و بعدين شل عمره بسره و فتح الباب حق فطوم ,,

هزاع و يفتح الباب : ها شو تبين ؟

فطوم : يالله قوم وراك جامعه ...

هزاع : انزين شخبارج انتي بعد ؟

فطوم : هيه ادريبك يالس اتقردني عسب لا اخبر عليك ... مالت عليك

هزاع سكر ع ويها الباب و راح الحمام و تسبح و بعدين لبس اثيابه و تكشخ ...

فطوم و هي نازله من الدري : مالت عليه من سياسي ...

ميري ( البشكاره ) : ماما فاطمه هذا عمر ( الدريول ) يستنا انتي .

فطوم : قوليله يتريا ترا هزاع بي ويانا.

ميري : اوكي مدام

هزاع نزل و سلم ع امه بس مالحق ع ابوه و حميد للأنهم روحو الشركه

فطوم : هزاااااااااعوه يلى تأخرنااا

هزاع : انزيين انزين ياي

راحت فطوم ركبت السايره و لحقها هزاع ...



فطوم انتقلت هالسنه الي مدرسه ثانيه لأن اربيعاتها سارو هناك ...

اول ما وصلت فطوم سلمت ع اربيعاتها الي تعرفهم ...

شلة فطوم : شيخه و ورد و حمده و فطوم

شيخه كانت صديقة فطوم من سنتين واييد طيبه بس عصبيه شو عصبيه وبسرعه تستحي و هي شوي مليانه ... و تحب تنكت

ورد حلوه و دلوعه و حبوبه اتعرفت عليها فطوم من بنات خالها .... و ماشاءلله عليها تحب كل حد الي يكرهها ولا يحبها ...

حمده تستوي بنت عم فطوم و هم اصدقااااااء العمر دومهم ويا بعض من كانو يهال يحبون بعض وايد و هي بنت حلوه بس مب احلى من فطوم أحلاهم ....

بعد ما سلمن البنات ع بعض يلسن يسولفن لين مادق الجرس ...

بعد ما دق الجرس دخلن فطوم و حمده و شويخ و ورد الصف و كانو هناك يالسات شلة بنات و شكلهم مب هينات

فطوم اول ما دشت الصف قالت في خاطرها ( الله يستر ) ...

حمده : فطوم ترا حطي في بالج هل البنات لا تربيعينهم موول ولا تعطينهم سالفه ترا ايبون المشاكل ... و كل حياتهم فريي

فطوم : امبين من اشكالهم اقول شويخ هاي جنه تشبه بنت خالج هنا ؟

شويخ : بسم الله بنت خالي ..... اعوذ بالله من الشيطان الرجيم

الكل : ههههههههههههههههههههه

فطوم : والله انج سوالف يا شويخ ...

خلى انسير لهزاع و ربعه ..


هزاع طبعا كل حياته لعب دش الصف و في اول حصه ستوتله مشكله ( اضارب ويا الاستاذ ) اونه يبغي يتمصخر معاه بس طلع الاستاذ عصبيي وايد ...

محمد ولد عم هزاع وياه في الجامعه و دووووومه طيب و يا كل حد و يحب يلعوز من كان ....

هزاع و محمد يالسين في الكوفي الي في الجامعه ..

هزاع : ها حمود ما قلتلي ما حصلت لك وحده ؟

محمد : مالت عليك ماتفكر غير بالبنات فكر في دراستك احسن لك .

هزاع : اممم انزين بسكت احسن .. ناقص فلسفه انا

محمد : اقول هزاع ...

هزاع : هلا ؟؟

محمد : شرايك اليوم انسير المووول .. والله ملل ماعندنا شغل

هزاع : فكرررررررره و مره وحده بفتك من فطوم و حشرتها من اتشوفني في البيت قالت طلعني ...

محمد : خلاص العصر اوكي

هزاع : خلاص اتفقنا .. و راح عن محمد و شل كتبه و روح البيت ..


بنسير لعايلة بو محمد

بومحمد ريال طيب وايد و عنده شركه و يشتغل فيها بو حميد و حميد ...

ام محمد انسانه حنونه و تراعي امور عيالها و حرمة بيت صالحه .....

محمد الولد العود عمره 20 و يدرس ويا هزاع في الجامعه ..... و دومهم ويا بعض اصدقاء العمر .. و محمد شعره بعد طويل شوي و عيونه بنيات مايله لللأسود و يذوب الي يشوف نظراته ,.. و هو مركب تقويم لونه اصفر >> اونه وصلاوي

حصه عمرها 18 و هي دوومهم مالها خص في الدنيا شاغلتنها الدارس و هي وايد مثقفه و تحب الدراسه و قراة الكتب الله يوفقها ... و هي تلبس نظاره و و ايييييييد حلوه ,,,

و حمده هي حلوه و تشبه اخوها محمد وايد و هي وايد تحب الضرابه و الربسه بس حبوبه و واييد يا فطوم و دومهم يحبون المصخره و القرض هههههههه خبايل ...

حمده كانت يالسه ع الاب توب دش عليها محمد

محمد : حمدوه وين حصه ؟

حمده : تعال جيك في مخباي ...

محمد : مايالس اتمصخر معاج وينها ؟

حمده : امم قولي انا بسير اقولها شو تبغي ؟

محمد : يا حمااااااره وينه افولج عن اللقافه ؟

حمده : طالعه عليك المهم سير عني الحين هي في الصاله يالسه تقرا مجلاتها ...

ظهر محمد و سكر الباب بالقووووووووووووو طااااااااااااااااااااااااخ

حمده : الله يغربل بليسك باب بيتنا شوي شوي عليه ..,

دش عليها محمد مره ثانيه : نعم شو قلتي ..

حمده فرته بالمخده و ظهر على طووول ,,,,

تبغون تعرفون شو يبغي محمد من حصه ؟

و شو بيستوي لفطوم يوم بتظهر يا هزاع ؟؟

و شو بيكون موقف ام حميد في سالفة فطوم ؟

كل هذا بتشوفونا في البارت الياااااااااااااي ... :012:

أتمنى ألاقي التفااااااااااعل ..^^

والسمووحهـ.^