أختبار مستوى رجتك ............................
للمرجوجين ..... و الغير مرجوجين



.. إلّلي ينتظر رجه و ما صارت له ..

... الّلي يحلم بالرجه .. و ما تحققت رجته ...
.... اليكم يا أعضاء المنتدى جميعا .. المرجوجين و غير المرجوجين .. الرجاء التفاعل و الإجابة على الإختبار ....


هل أنت مرجوج ؟
و إن كنت كذلك .. ما هو مستوى رجتك ؟
- - للإجابة على هذه الاسئلة ما عليك سوى إجراء هذا الأختبار النفسي - -


*** السؤال الأول ***
أنت توك قايم من النوم ، و طفشان و واصله معك ، قمت تغسل وجهك و تفاجأت بنمله تبي تدخل خشمك .... ما هي ردة فعلك ؟؟؟

1 - تمسك النملة و تفعصها بأصبعيك ، و انت تكركر و مستانس و تقول : و الله يا أنتي نملة منسمة ، تبين تخترقيني !!! .... هع هع هع ... ، بس على مين ؟ انا ابو جلمبو و الأجر على الله .

2 - توخر النملة عن وجهك ، و تنتفها و انت تشمها .

3 - تخلي النملة تدخل خشمك .




*** السؤال الثاني ***
راجع من المدرسة او الكليه او العمل .... المهم ..... و تلقى الوالده سرحانه في الصاله تفكر ، وش تصلح بكرة اذا بغت تسيير في الضحى على أم صويلح .... ماذا تفعل ؟؟؟؟


1 - تسوي نفسك تعبان و تصرخ ، و تمسك قلبك كأن جايتك ذبحة قلبيه ، و انت تقول : الحقيني يمه .. قلبي .. قلبي .. ، و لما تنهبل امك عليك ، و تبي تكلم احد يجي يوديك المستشفى ، تقول لها : قلبي تولع في الرياض .. حب ورثته من الجدود .. هع هع هع هع، و الله تسحيبة يمه .

2 - تجي بشويش من ورى أمك و هي سرحانه ، و تصرخ في أذنها : مساك الله بالخير .. ، و طبعا هي بتنفجع و بتقول لك : وجع الله يمسيك بعصا ان شاء الله .

3 - تطلع غرفتك ، و ما تسوي شي .

*** السؤال الثالث ***

أنت توك مقيـــّل ، ، و ماخذ لك قيلولة على كيف كيفك ، و نازل الصالة ، الأ و تشوف خوانك او خواتك الصغار عند سبيس تووون ، و عيونهم طايرة ، ماذا تفعل ؟؟؟

1 - تجي يعنني تكنس ، و تغطي عليهم التليفزيون <<<<<<<<<<< أحلى يا اليسا .

2 - تجي يعنني بتشبك شاحن الجوال ، و تقوم تفصل فيش التليفزيون ، و تقول : اووه .. آسف .. آسف ، و الله آسف .

3 - تقعد تتفرج معاهم .





**** السؤال الرابع .. و الأخير ****
بعد العشاء اشتهيت تويكس ، و نزلت تشتريه من السوبر ماركت ، و لقيت سيارة صديقك عند باب السوبر ماركت ، ماذا تفعل في تلك اللحظه ؟؟؟

1 - تنسم كفاراته ( التواير ) الاربعه .

2 - تسلم عليه ، و تلزم عليه يعزمك على العشاء .

3 - تشتري له معاك تويكس .


الــنـــتـــايــــــــــج
* أعط نفسك لكل إجابة :
اذا اخترت رقم واحد ... لك 3 درجات .

اذا اخترت رقم اثنين ... لك 2 درجتين .
اذا اخترت رقم ثلاثة ... لك 1 وحده .



*** اذا كان مجموع نقاطك من 9 _ 12 ***
.. أنت مرجوج جدا ..
... حالتك خطيرة .. و قد تتحول رجتك الى هباااااال رسمي .
.... * الحل : خل امك تهمز راسك بزيت سيارات ، ثمانين مرة بالثانيه ، و ان شاء الله ما قدامك الا العافيه .


*** اذا كان مجموع نقاطك من 5 _ 8 ***
.. أنت مرجوج .. بس على نذاله شوي ..
... مستوى رجتك معقول .. لكن .. لا تستخف دمك وايد .. لأنك ستجيب العيد
.... *خل عنك النذالة .. و لازم تؤمن أنك تعاني من الدلاخة في مراحلها الاولى ....
..... ** أكل عصفور قبل الغداء .. مرة في السنة ** .....


*** اذا كان مجموع نقاطك من 4 _ 5 ***
.. يا أخي انت مو في الدنيا في الأساس .. ميت و الناس حيين ..
... انتبه على نفسك .. لأن أهلك .. احتماااااااااااال .. ينسوووك في البيت .. اذا بغوا يسافرون .
.... * الحل : كورس رجة مكثف و معتبّر من أهل الرجة اللي بالمنتدى .


تحياتي للمراجيج بالمنتدى ههههه